केह़ परमेसरे दा कोई वजूद ऐ?
सुआल केह़ परमेसरे दा कोई वजूद ऐ? जवाब परमेसरे दे वजूद गी साबित जां नकारेया नेई जाई सकदा। बाइबल बी एह ग्लांदी ऐ के असेंगी विश्वास कन्ने इस तत्थ गी मनना चाईदा के परमेसरे दा वजूद ऐ, “ते विश्वास दे बगैर उसी खुश करना औखा ऐ, किजे परमेसरे कश औने आले गी विश्वास करना चाईदा,…
केह़ परमेसरे दा कोई वजूद ऐ?
परमेसरे दे वजूद गी साबित जां नकारेया नेई जाई सकदा। बाइबल बी एह ग्लांदी ऐ के असेंगी विश्वास कन्ने इस तत्थ गी मनना चाईदा के परमेसरे दा वजूद ऐ, “ते विश्वास दे बगैर उसी खुश करना औखा ऐ, किजे परमेसरे कश औने आले गी विश्वास करना चाईदा, के ओह?, ते अपने तुप्पने आलें गी प्रतिफल दिंदा ऐ” (इब्रानियों 11:6)। जेकर परमेसरे दी नेह़ी इखी ही, ता बस ओह़ इय्यां गै प्रग्ट ह़ोई जंदा ते सारे संसार गी साबत करदा के उदा वजूद ऐ। पर जेकर ओह़ इय्यां करदा, ता विश्वास दी कोई लोड़ गै नेई रौंदी। “यीशु ने उनेंगी ग्लाया, ‘तू मिगी दिखेया ऐ, तां करी विश्वास कित्ता ऐ, ध़न न ओह़ जिनें बगैर दिखे विश्वास कित्ता'” (यूहन्ना 20:29)।
इदा मतलब एह़ नेई के, परमेसरे दे वजूद दा कोई सबूत गै नेई ऐ। बाइबल एलान करदी ऐ के, “अंबर परमेसरे दी म्ह़ैमा दा जिकर करे करदा ऐ, ते आकाशमंडल उदी हत्थें दी कला गी प्रग्ट करे करदा ऐ। दिन कन्ने दिन गल्ल करदा ऐ ते रात गी रात ज्ञान सखांदी ऐ। ना ता कोई बोली ऐ ते ना गै कोई भ़ाशा जित्थे उदा शब्द नेई सुनचदा ऐ। उदा बोल सारी ध़रती उप्पर गुंजी गेदा ऐ, ते उदे बचन ध़रती दे कोने तकर पुज्जी गेदे न” (भ़जन संहिता 19:1-4)। तारें आले पास्से दिखीये, उस ब्रह्माण्ड दी म्ह़ानता गी समझ़दे ह़ोए, कुदरत दी ह़रानियें उप्पर ध़्यान दिंदे ह़ोए, सुर्यास्त दी खूबसुरती गी दिखदे ह़ोए-एह़ सारियां चीजां इक रचेता परमेसरे आले पास्से इशारा करदी ऐ। सभोपदेशक 3:11 असेंगी ग्लांदा ऐ के, “… उन्ने मानूएं दे मनें च म्ह़ेशा-म्ह़ेशा दा ज्ञान पैदा कित्ता ऐ।”
साढ़े अपने अंदर दी गह़राई च नेह़ी कोई पच्छान ऐ के इस जीवन दे अलावा बी किश ऐ ते इस दुनिया दे अलावा बी किश ऐ। अस इस ज्ञान गी अपनी अक्कला दे साह़ब कन्ने नकारी सकने आं, पर साढ़े च ते साढ़े चौनी पास्से परमेसरे दी ह़जूरी फी बी साफ तरीके कन्ने बनीदी ऐ। इनें सब्बनी दे बा’द बी, बाइबल असेंगी चेताबनी दिंदी ऐ के किश लोकें फी बी परमेसरे दे वजूद गी नकारना ऐ, “मुर्ख ने अपने मनें च ग्लाया ऐ, “के कोई परमेसर ऐ गै नेई'” (भ़जन संहिता 14:1) किजे ह़ुन तकर दे इतिह़ास च, सारी संस्कृतियें च, सारे महादीपें च जादातर लोके दा बहुमत कुसे तरीके कन्ने बी परमेसरे दे बजूद दे ह़ोने उप्पर विश्वास करदे न, ता इस विश्वास दी बजह़ किश (या कोई) ता ह़ोग।
परमेसरे दे वजूद दे आस्ते बाइबल अधारित दलीलें दे अलावा, इत्थे ह़ोर दलीलां बी ह़न। पैह़ली, दलील तत्वमीमांसात्मक ऐ। तत्वविज्ञानी दलील दा सारे कशा जादा चर्चित रूप आध़ारभ़ूत रूप च इस सोच दा इस्तेमाल करदी ऐ के परमेसर गी गै परमेसरे दे वजूद दा सबूत देना चाईदा। ओह़ परमेसरे दे इस बखान कन्ने शुरू ह़ुंदा ऐ के ओह़, “ओह़ इन्ना बड्डा ऐ के उदे थवां बड्डे दी कोई सोच बी नेई कित्ती जाई सकदी।”
फी एह़ बैह़स उठी खड़ोदीं के वजूद च ह़ोना गै वजूद च नेई ह़ोने थवां जादा बड्डा ऐ, इस आस्ते सारें थवां बड्डे काल्पनिक प्रानिये गी वजूद च ह़ोना चाईदा। जेकर परमेसरे दा कोई वजूद नेई ऐ, ता परमेसर सारें थवां बड्डा काल्पनिक प्रानी नेई ह़ोई सकदा ते एह़ गल्ल परमेसरे दे बखान दा गै खंडन करी देग।
दुई दलील सोदेश्यवादी ऐ। सोदेश्यवादी दलील एह़ एलान करदी ऐ के किजे ब्रह्माण्ड नेह़ अकार गी दसदी ऐ, इक आस्ते उत्थे कोई परमात्माकार ह़ोना गै चाईदा। मसालतौर उप्पर, जेकर ध़रती खासकर सुरज शा किश सौ मील नेड़े जां दूर ह़ुंदी, ता ओह़ जीवने दी उस चाल्ली मदद करने दे काबल नेई ह़ुंदी जिन्नी ओह़ अज्ज दे समें करदा ऐ। जेकर साढ़े बाताबरन च मौजूद तत्व इत्थे तकर के किश प्रतिशत गै बख ह़ुंदे, तां ध़रती उप्पर करीबन सारे प्रानी गै मरी जाङन। इक एकल प्रोटीन दे अनु दे संजोग कन्ने संभ़ानां 10243 च 1 गै ह़ुंदी ऐ (इदा मतलब एह़ ऐ के 10 दे बा’द 243 सिफरें दा औना) इक एकल कोशिका लक्खें अनुऐं कन्ने मिलीए बनीदी ह़ुंदी ऐ।
परमेसरे दे वजूद गी लेईए जेकी त्री दलील ऐ ओह़ ब्रह्माण्ड सरबंदी दलील। ह़र नतीजे दे पिछे कोई इक बजह़ ह़ोनी चाईदी। एह़ ब्रह्माण्ड ते इदे च ह़र इक चीज इक नतीजा ऐ। कोई ना कोई नेह़ी चीज ह़ोनी गै चाईदी जिदी बजह़ कन्ने ह़र चीज वजूद च आई। आखरकर, कोई चीज “बगैर-बजह” बी चाईदी किजे बाकी सारी चीजें दा वजूद च औने दी बजह़ बने। ओह़ “बगैर-बजह़” चीज गै परमेसर ऐ।
चौथी दलील नैतिक दलील दे रूप च जानी जंदी ऐ। इतिह़ास च ह़ून तकर ह़रेक संस्कृति कश कुसे न कुसे किस्म दा कनून ह़ुंदा आया ऐ। ह़रेक कश सेह़ी ते गल्त दा ज्ञान ऐ। ह़त्या, झ़ूठ, चोरी ते अनैतिकता गी करीबन विश्वव्यापी रूप च नकारेया जंदा ऐ। सेह़ी ते गल्त दा ज्ञान जेकर पबित्तर परमेसरे थवां नेई आया तां फी कुत्थुआं दा आया।?
इने सब्बनी दे बा’द बी, बाइबल असेंगी दसदी ऐ के लोकें परमेसरे दे स्पश्ट ते अपनाने आले ज्ञान गी नकारना ऐ ते इदे बावजूद इक झ़ूठ उप्पर विश्वास करना ऐ। रोमियों 1:25 एलान करदी ऐ के, “उनें परमेसरे दी सच्चाई बदलीये झ़ूठ बनाई ओड़ेया, ते सरिश्टी दी म्हैमा ते सेवा कित्ती, ना के उस रचेता दी- जेका म्ह़ेशा दा ध़न ऐ। आमीन।” बाइबल एह़ बी एलान करदी ऐ के परमेसरे उप्पर विश्वास नेई करने दा लोकें कश कुसे तरीके दा कोई ब्ह़ाना नेई ऐ: “किजे उदे अनदिखे गुन- मतलब उदी सनातन शक्ति, ते परमेश्वरत्व- दुनिया दी सरिश्टी दे समे थवां उदे कम्में दे जरिए दिखने च औंदे न, इत्थे तकर केह़ ओह़ लाजवाब न” (रोमियों 1:20)।
लोग परमेसरे दे वजूद ह़ोने दे दावे गी इस आस्ते नकारी दिंदे न किजे उंदे च “वैज्ञानिकता नेई” ऐ जां “किजे इदा कोई सबूत नेई ऐ।” सच्ची बजह़ एह़ ऐ के इक बारी लोग मन्नी लेंदे न के परमेसर ऐ, तां उनेंगी एह़ बी मनना पौना के ओह़ परमेसरे आस्ते जिम्मेदार न ते उनेंगी परमेसरे शा माफी दी लोड़ ऐ। (रोमियों 3:13, 6:23)। जेकर परमेसरे दा वजूद ऐ, तां फी असेंगी अपने कम्मे आस्ते उदे कन्ने जवाबदारी ऐ। जेकर परमेसरे दा वजूद नेई ऐ, तां फी अस जे चाह़चे ओह़ इस गल्ला गी अपनी गंड्डी च बन्नीये करचे के परमेसरे साढ़ा न्या करना। इस आस्ते गै उनें लोकें चा बड़े सारे जेके परमेसरे दे वजूद गी नकारी दिंदे न कुदरत दी तरक्की दे सिध्दांत च शक्ति कन्ने विश्वास करदे ह़ोए चमकेदे रौंदे न- एह़ उनेंगी इक रचेता परमेसरे उप्पर विश्वास करने दे बदले च इक चुनाव दिंदा ऐ। परमेसर ऐ ते आखरकर सब जानदे न के परमेसर ऐ। पूरा तत्थ एह़ ऐ के किश लोग उदे वजूद गी झ़ूठा साबित करने दा इन्ना सजा-काबल जतन करदे न के एह़ अपने आप च उदे वजूद दे ह़ोने दे प्रति एक दलील बनी जंदा ऐ।
अस किय्यां जानने आं के परमेसरे दा वजूद ऐ? मसीही विश्वासी ह़ोने दे नाते, अस जानने आं के परमेसर दा वजूद ऐ किजे अस रोजाना उदे कन्ने गल्लां करने आं। अस उसी साढ़े कन्ने जोरें गल्लां करदे नेई सुनने आं, पर असेंगी उदी ह़जूरी दा एह़सास ह़ुंदा ऐ, अस उदी अगुआई मह़सूस करने आं, अस उदे इरखे गी जानने आं, अस उदे अनुग्रह दी खुह़ाईशी ह़ुन्ने आं। साढ़े जीवनें च नेह़ीया घ़टना घ़टी दियां न जिदा बखान परमेसरे दे अलावा कोई ह़ोर नेई करी सकदा। परमेसरे असेंगी बड़े गै अनोखे तरीके कन्ने बचादा ऐ ते साढ़े जीवने गी इय्यां बदलेया ऐ के उदे वजूद गी पछानने ते उदी म्ह़ैमा करने दे अलावा ह़ोर किश नेई करी सकदे। इंदे चा कोई बी दलील अपने आप च कुसे गी प्रेरित नेई करी सकदी जेके इस गल्ला गी पछानने थवां इंकार करदे न जेकियां पैह़लैं थवां गै इन्नी स्पश्ट न। आखर च, परमेसरे दा वजूद विश्वास दे जरिए अपनाया जाना चाईदा (इब्रानियों 11:6)। परमेसर उप्पर विश्वास न्हेरे च अन्नी डुआर नेई ऐ, एह़ इक शैल-चाल्ली रोशन कमरे च सुरक्षित कदम ऐ जित्थे पैह़लैं थवां गै जादातर लोकें दा बहुमत खड़ोते दा ऐ।
[English]
[डोगरी दे मुख सफे उप्पर बापस जाओ]
केह़ परमेसरे दा कोई वजूद ऐ?
