केह़ यीशु परमेसर ऐ? केह़ यीशु ने परमेसर ह़ोने दा दावा कित्ता?
सुआल केह़ यीशु परमेसर ऐ? केह़ यीशु ने परमेसर ह़ोने दा दावा कित्ता? जवाब बाइबल असेंगी पक्के तौर उप्पर नेई दसदी ऐ के यीशु ने इनें शब्दें गी ग्लाया ह़ोए के, “अऊं परमेसर ऐं।” पर फी बी, इदा एह़ मतलब नेई ऐ के उन्ने कदे एह़ एलान नेई कित्ता ह़ोए के ओह़ परमेसर नेई ऐ।…
केह़ यीशु परमेसर ऐ? केह़ यीशु ने परमेसर ह़ोने दा दावा कित्ता?
बाइबल असेंगी पक्के तौर उप्पर नेई दसदी ऐ के यीशु ने इनें शब्दें गी ग्लाया ह़ोए के, “अऊं परमेसर ऐं।” पर फी बी, इदा एह़ मतलब नेई ऐ के उन्ने कदे एह़ एलान नेई कित्ता ह़ोए के ओह़ परमेसर नेई ऐ। मसाल तौर उप्पर यहून्ना 10:33 च यीशु दे इने शब्दें गे लेओ, “अऊं ते पिता इक्क न।” असें यीशु दे इनें शब्दें दे प्रति कित्ती गेदी प्रतिक्रिया गी एह़ दिखने आस्ते करना चाईदा के ओह़ परमेसर ह़ोने दा दावा करे करदा हा। इस्से बजह़ कन्ने उनें उसी पत्थर मारना चाह़या। “…तू मानू ह़ोईए अपने आप गी परमेसर बनाना ऐं” (यहून्ना 10:33) यहूदी शैल चाल्ली यीशु दे ग्लाने दा मतलब समझ़ी गेदे हे मतलब उदे परमात्मा ह़ोने दे दावे गी। ध़्यान देयो के यीशु अपने परमेसर ह़ोने दे दावे गी खारिज नेई करदा ऐ। जदुं यीशु एह़ एलान करदा ऐ के “अऊं ते पिता इक्क न” (यहून्ना 10:30), तां ओह़ एह़ ग्लाए करदा हा के ओह़ ते पिता सभाव ते तत्व च एक न। यहून्ना 8:58 इक बख मसाल दिंदा ऐ। यीशु ने एलान कित्ता के, “अऊं तुसेंगी सच-सच ग्लाना, के इदे शा पैह़लै के अब्राहम पैदा ह़ोया, अऊं ऐं!” जिनें यहूदियें इनें शब्दें गी सुनेया उंदी प्रतिक्रिया पत्थरें गी चुक्किये परमेसर निन्देया दी बजह़ कन्ने उसी पत्थर मारीये मारना हा, बिल्कुल उवां जिय्यां मूसा दी शरीयत ने उनेंगी ह़ुकम दित्ता हा (लैव्यव्यवस्था 24:15)।
यहून्ना यीशु दे परमात्मा ह़ोने दी ध़ारना गी दोह़रांदा ऐ के: “बचन परमेसर हा” ते “बचन देहध़ारी ह़ोया” (यहून्ना 1:1, 1:14)। एह़ आईतां साफ इशारा करदियां न के यीशु गै शरीर रूप च परमेसर ऐ। रसूलें दे कम्म 20:28 असेंगी दसदा ऐ के, “तुस परमेसरे दी कलीसिया दी राखी करो, जिसी उन्ने अपने लहू दे कन्ने खरीदी लेत्ता दा ऐ।” मतलब यीशु मसीह ने। रसूलें दे कम्म 20:28 एलान करदी ऐ के परमेसर ने उदी कलीसिया गी उदे अपने लहू कन्ने खरीदी लेया ऐ। इस आस्ते, यीशु गै परमेसर ऐ।
चेले थोमा ने यीशु दे सरबंधी एह़ एलान कित्ता ऐ के, “हे मेरे प्रभु, हे मेरे परमेसर” (यहून्ना 20:28)। यीशु ने उसी नेई सधारेया। तीतुस 2:13 असेंगी साढ़े परमेसर ते मुक्तिदाता, यीशु मसीह दे आगमन आस्ते इंतजार करने आस्ते ह़ौंसला दिंदा ऐ। इब्रानियों 1:8 च, पिता यीशु आस्ते एह़ एलान करदा ऐ के, “हे परमेसर, तेरा तख्त जुगें-जुगें तकर रौग, तेरे राज दा राजदण्ड न्या दा राजदण्ड ऐ।” पिता यीशु गी “हे परमेसर” ग्लाईये बखान करे करदा ऐ जिस बजह़ कन्ने यीशु गै सच्च च परमेसर ऐ।
प्रकाशितवाक्य च, इक सुअर्गदूत रसूल यहून्ना गी सिरफ परमेसरे गी गै मत्था टेकने दे नर्देश दिंदा (प्रकाशितवाक्य 19:10)। पबित्तर शास्तर च केई बारी यीशु ने अराधना गी ह़ासल कित्ता ऐ (मत्ती 2:16, 14:33, 28:9 17, लूका 24:52, यहून्ना 9:28)। उन्ने कदे बी लोकें गी उदी अराधना करने आस्ते नेई निखरेया। जेकर यीशु परमेसर नेई ह़ुंदा, ता उन्ने लोकें गी ग्लाई दित्ता ह़ुंदा के ओह़ अराधना नेई करन, ठीक उवां गै जिंय्यां सुअर्गदूत ने प्रकाशितवाक्य च कित्ता। इत्थें केईं ह़ोर बी आईतां न ते पबित्तर शास्तर दे संदर्भ न जेके यीशु दे परमात्मा ह़ोने दी दलील दिंदे न।
सारें थवां जरूरी बजह़ के कीं यीशु गी परमेसर ह़ोना हा ओह़ एह़ ऐ के जेकर यीशु परमेसर नेई ऐ, तां उदी मौत पूरे संसार दे पापें दे जुर्माने दा मुल्ल अदा करने आस्ते काफी नेई ह़ोई सकदी ही। (1 यहून्ना 2:2)। जेकर ओह़ परमेसर नेई ह़ुंदा तां यीशु सिरफ इक सिरजे दा प्रानी ह़ुंदा, ओह़ असीमित परमेसरे दे सामने पाप आस्ते मंग करदे ह़ोए असीमित जुर्माने गी अदा नेई करी सकदा हा। सिरफ परमेसर गै इक इन्ने बड्डे जुर्माने गी अदा करी सकदा ऐ। सिरफ परमेसर गै इस दुनिया दे पापें गी चुक्कीये लेई जाई सकदा ऐ। (2 कुरिन्थियों 5:21), मरी सकदा ते जिंदा ह़ोने दे जरिए, मौत ते पाप उप्पर अपनी जीत गी साबत करी सकदा ऐ।
[English]
[डोगरी दे मुख सफे उप्पर बापस जाओ]
केह़ यीशु परमेसर ऐ? केह़ यीशु ने परमेसर ह़ोने दा दावा कित्ता?
