तुंदे आस्ते निजी मुक्तिदाता दे रूप च यीशु गी अपनाने दा केह़ मतलब ऐ?
सुआल तुंदे आस्ते निजी मुक्तिदाता दे रूप च यीशु गी अपनाने दा केह़ मतलब ऐ? जवाब केह़ तुसें यीशु मसीह गी अपना निजी मुक्तिदाता दे रूप च अपनाया ऐ? इस सुआल गी ठीक चाल्ली समझ़ने आस्ते तुसेंगी पैह़लैं “यीशु मसीह”, “निजी” ते “मुक्तिदाता” नेह़ शब्दें दे बारे च ठीक जानकारी ह़ोना लोड़चदा ऐ। यीशु मसीह…
तुंदे आस्ते निजी मुक्तिदाता दे रूप च यीशु गी अपनाने दा केह़ मतलब ऐ?
केह़ तुसें यीशु मसीह गी अपना निजी मुक्तिदाता दे रूप च अपनाया ऐ? इस सुआल गी ठीक चाल्ली समझ़ने आस्ते तुसेंगी पैह़लैं “यीशु मसीह”, “निजी” ते “मुक्तिदाता” नेह़ शब्दें दे बारे च ठीक जानकारी ह़ोना लोड़चदा ऐ।
यीशु मसीह कुन ऐ? बड़े सारे लोग यीशु मसीह गी इक खरा मानू, एक म्ह़ान शिक्षक, जां इत्थे तकर के परमेसरे दे जरिये भ़ेजेदा इक म्हान संत नबी दे रूप च मनङन। एह़ गल्लां यीशु मसीह दे बारे च सच्च न, पर एह़ गल्लां अजें बी उदे बारे च पूरा बखान नेई करदियां न के असल च ओह़ कुन ऐ। बाइबल असेंगी दसदी ऐ के यीशु शरीर च परमेसर न, परमेसर मानूए दे रूप च न (दिक्खो यूहन्ना 1:1-14)। परमेसर ध़रती उप्पर असेंगी शिक्षा देने, ठीक करने, असेंगी सधारने, माफ करने – ते साढ़े आस्ते मरने कीते आया! यीशु मसीह परमेसर, सरिश्टी करने आला पूरे तरीके कन्ने प्रभु ऐ। केह़ तुसें इस यीशु गी ह़ासल कित्ता ऐ?
इक मुक्तिदाता कुन ह़ुंदा ते असेंगी इक मुक्तिदाता दी लोड़ कीं ऐ? बाइबल असेंगी दसदी ऐ के असें सारें पाप कित्ता ऐ, असें सारें माड़े कम्म कित्ते न (रोमियों 3:10-18)। साढ़े पापें दे नतीजे मताबक, अस परमेसरे दे रोह़ ते सजा दे ह़कदार आं। इक असमीत ते सनातन परमेसरे दे खलाफ पाप करने आस्ते इक्कै असीमित सजा ऐ (रोमियों 6:23, प्रकाशितवाक्य 20:1-15)। इस किते असेंगी मुक्तिदाता दी लोड़ ऐ।
यीशु मसीह ध़रती उप्पर आया ते उन्ने साढ़ी जगह उप्पर मौत गी लेई लेत्ता। यीशु दी मौत साढ़े पापें आस्ते इक असीमित मुल्ल गी चुकाना हा (2कुरिन्थियों 5:21)। यीशु ने साढ़े पापें दी सजा दा मुल्ल चुकाने आस्ते मौत गी लेई लेत्ता (रोमियों 5:8)। यीशु ने कीमत चुकाई जिदे कन्ने असेंगी किश चुकाना नेई पौए। यीशु दा मोदें चा जिंदा ह़ोना एह़ साबत करदा ऐ के उदी मौत साढ़े पापें दा मुल्ल चुकाने आस्ते काफी ही। इय्ये बजह़ ऐ के यीशु गै इक्कै इक्क मुक्तिदाता ऐ (यूहन्ना 15:6, रसूलें दे कम्म 4:12)! केह़ तुस यीशु उप्पर अपने मुक्तिदाता दे रूप च भ़रोसा करदे ओ?
केह़ यीशु तुंदा “निजी” मुक्तिदाता ऐ? बड़े सारे लोग मसीहियत गिरजे च जाना, रीति-रुआजें गी पूरा करना/ ते किश पापें गी नेई करने दे रूप च दिखदे न। एह़ मसीहियत नेई ऐ। सच्ची मसीहियत यीशु मसीह कन्ने निजी रिश्ता ह़ोना ऐ। यीशु गी अपना निजी मुक्तिदाता दे रूप च अपनाने दा मतलब उदे च अपने आप दे निजी विश्वास ते भ़रोसे गी रखी देना। कोई बी दूए दे विश्वास दे आधार उप्पर उध्दार नेई पाई सकदा। कोई कुसे खास कम्में गी करने कन्ने माफी ह़ासल नेई करी सकदा। उध्दार पाने आस्ते बस इक्कै रस्ता एह़ ऐ के तुस निजी तौर उप्पर यीशु मसीह गी अपना मुक्तिदाता, उदी मौत गी अपने पापें दी कीमत गी चुकाए जाने दे रूप च मन्निये अपनाओ (यूहन्ना 3:16)। केह़ यीशु निजी तौर उप्पर तुंदा मुक्तिदाता ऐ?
जेकर तुस यीशु मसीह गी अपना मुक्तिदाता दे रूप च अपनाना चांह़दे ओ, ता परमेसरे गी ह़ेठ लिखे दे शब्द बोलो। चेत्ता रखो, इस पराथना या कुसे बखरी पराथना दा बोलना तुसेंगी नेई बचाई सकदा ऐ। सिरफ यीशु मसीह ते क्रूस दे उप्पर उदे जरिये मुकादे कम्मे उप्पर विश्वास सेह़ी ऐ जेका तुसेंगी पापें थवां बचाई सकदा ऐ। एह़ पराथने उदे च अपने विश्वास गी प्रग्ट करने ते तुंदे आस्ते उध्दार दा इंतजाम करने दा इक्कै इक्क तरीका ऐ। “हे परमेसर, अऊं जानना ऐं के मै तुंदे खलाफ पाप कित्ता ऐ, ते अऊं सजा दा ह़क्कदार ऐं। पर यीशु मसीह ने उस सजा गी अप्पु लेई लेत्ता जिदा ह़कदार अऊं हा तांजे उदे उप्पर विश्वास करने कन्ने अऊं माफ कित्ता जां। अऊं उध्दार आस्ते तुंदे च अपना विश्वास रखना। तुंदे अनोखे- अनुग्रह ते माफी – जेका अमर जीवने दा तोह़फा ऐ, आस्ते अऊं तुंदा शुकर करना! आमीन।”
किजे जे किश तुसें इत्थे पढ़ेया ऐ उदी बजह़ कन्ने केह़ तुसें मसीह दे पिछे चलने दा फैसला लेत्ता ऐ? जेकर इंय्यां ऐ तां मेह़रबानी करीये ह़ठ दित्ते दे “मैं अज यीशु गी अपनाई लेत्ता ऐ” आले बटन गी दबाओ।
[English]
[डोगरी दे मुख सफे उप्पर बापस जाओ]
तुंदे आस्ते निजी मुक्तिदाता दे रूप च यीशु गी अपनाने दा केह़ मतलब ऐ?
