प्रश्न

हुं माफी मेंळवी? हू परमेश्वर थी केंकेंम माफी मेंळवें सकू हे?

उत्तर

प्रेरितो 13:38 जाहेर करे हे के , “एंतरे हारू ,हे भाज्यो ,तमू जाणें लो के एंनास इसु दुवारा पाप नी माफी नो हमिसार तमनें आलवाम आवे हे |”

माफी हुं हे नें मारे इनी हुं जरूर हे?

शबद “माफी” नो अरथ तख्ती नें नुसें नें साप करवी {3}, माफ करवु , उदार नें रद के मटाड देंवु | झर आपु केंनेंक नें हामें कईक गलत कर्ज्ये हे ,ते आपु हेंने थी माफी मेंळववा नी कोशिश कर्ज्ये हे एंतरे के आपडा सबंध पासा बणें जाये | माफी एंतरे हारू आलवाम नहें अवती केंमके कुई वेक्ती माफी मेंळववा नें लाएंक नहें | कुई बी माफी मेंळववा नें लाएंक नहें | माफी परेंम ,दया अनें अनुग्रह नु एक काम हे | माफी बीजा वेक्ती ना विरूद हुदी हाएं राखवा नें बदले एक फेसलो हे ,साए हेंने तमारी हातें कई बी केंम नें कर्यू वेह |

बाईबल आप नें वताडे हे के आप बद्द नें माफी मेंळववा नी जरूर हर | आप बद्द्वें पाप कर्यो हे | सभोपदेसक 7:20 जाहेर करे हे के , “सक कर्या वगर धरती इपेर कुई धर्मी मनख नहें झी भलाई स करे अनें झेंने थी पाप नें थायो वेह |” 1 युहन्ना 1:8 के हे , “अगर आपु केंज्ये के हम म कईस पाप नहें ,ते पुते पुतानें धुखो देंज्ये हे ,अनें आप म हास नहें |” बद्दा पाप सेंल्ले परमेश्वर ना विरूद म रिह नु एक काम हे (भजन संहिता 51:4) | फेसला रूप ,आपडे परमेश्वर नी घणी जरूर परमणें जरुरत पडे हे | अगर आपडा पाप माफ नहें थाया ,ते आपु हमेशा हारू आपड पाप ना फेसला ना रूप म दुख भुगत रेंहू (मत्ती 25:46 युहन्ना 3:36 |

माफी-आ मनें केंकेंम मळें सके हे?

धनेवाद नी वात इये हे के ,परमेश्वर प्रेम करवा वाळो अनें दयाळु – आप नें आपड पाप नें माफ करवा हारू तियार हे ! 2 पतरस 3:9 आप नें वताडे हे के , “…इपेर तमारा बाराम धीरज धरे हे ,अनें नहें साहतो के कुई नाश थाए पुण इयु के बद्द नें मन फेंरव वानो मुखो मळे |” परमेश्वर आप नें माफ करवानी आशा राखे हे ,एंतरे हारू हेंने आपडी हारू माफी तियार करी हे |

आपड पाप हारू निया ना परमणें सज्या खाली मोतेंस हे | रोमियो 6:3 नो सरुवात नो भाग एम वताडे हे के , “केंमके पाप नी मजुरी ते मोत हे …” अमर मोतेस वेये हे झेंने आपें आपड पाप हारू अर्जित करी हे |” परमेश्वर ,आपी पुरी योजना नें परमणें ,मनख-इसु मसीह |(युहन्ना 1:1;14 बणयु | इसु क्रूस इपेर ,हिनी सज्या नें लेतो जाएंनें मर्यो झेंनें लाएंक आपु हेंत नें – मोत | 2 कुरीन्थियो 5:21 आप नें शिक्षण आले हे के , “झी पाप थी अजण्यो हेतो हेंनेंस हेंने आपडी हारो पाप बणायो के आपु हेंनेम थाएनें परमेश्वर नी धार्मिकता बणें जाज्ये |” इसु क्रूस इपेर ,हेंनी सज्या नें लेतो जाएंनें मर्यो झेंने लाएंक आपु हेंत ! परमेश्वर ना रूप म ,इसु नी मोतें आखी संसार न पाप हारू माफी नी तियारी करी | 1युहन्ना 2:2 जाहेर करे हे , “अनें वेयोस आपड पाप नो पस्तावो हे ,अनें खाली आपडेस नहें ,पुण आखी दुनीय ना पाप नो हुदो |” ईसु मरेंल महो ,पाप अनें मोत इपेर जीत नी जाहेरात करतो जाएंनें जीवी उठ्यो (1 कुरिन्थियो 15:1-28 | परमेश्वर नी स्तुती थाए ,ईसु नी मोत अनें पासु जीवतु थावाना दुवारा ,रोमियो 6:23 नो बिजो भाग हासो थाए ज्यो .” …पुण परमेश्वर नु वरदान आपडा प्रभू ईसु मसीह म अमर जीवन हे |”

हुं तमु तमार पाप नी माफी साहो हे ? हुं तमु गुंना बोध नी वाहेड पडें जावा वाली भावना थी बन्दाएल हे के तमु एंनें थी सुटकारो नहें मेंळवें सक्त ?तमार पाप हारू माफी तियार हे अगर तमु तारणहारा ना रूप म ईसु मसीह म तमारा विस्वास नें मेंलत वेह | इफिसियो 1:7 के हे के , “आप नें हेंनम हेंना लुई ना दुवारा सुटकारो ,एंतरे गुंन नी माफी परमेश्वर ना हेंना अनुग्रह ना धन ने परमणे मळी हे |” ईसु वें आपडी हारू लेंणु सुकव्यू ,एंतरे के आपु माफी मेंळवें सकज्ये | तमारे बस एंतरू करवु हेके तमु परमेश्वर थी आ विस्वास करत जाएंनें अरज करो के वेयो तमनें ईसु नें दुवारा माफी आले केंमके ईसु आपडी माफी नी किमत सुकववा हारू मर्यो –अनें वेयो तमनें माफ कर देंहे |! युहन्ना 3:16-17 म आ रुपाळो हमिसार मळे हे के , “केंमके परमेश्वरे दुनीय हातें एंवो परेम राख्यो के हेंने पुतानो एक नो एक बेंटो आल देंदो ,एंतरे के झी कुई हेंनें इपेर विस्वास करे वेयु नाश नें थाए ,पुण अमर जीवन मेंळवे | परमेश्वरे पुताना बेंटा नें दुनीय म एंतरे हारू नहें मुकल्यो के दुनीय इपेर सज्या नु हुकम करे ,पुण एंतरे हारू के दुनीय हेंने दुवारा तारण मेंळवे |”

माफी-हुं इये मेंळ ववी वास्तव म इतरी हेली हे?

हां ,आ इतरी हेली हे ! तमु परमेश्वर थी माफी कमाए नहें सक्त | तमु परमेश्वर दुवारा आलेंली माफी नी किमत नहें सुकवें सक्त | तमु खाली एंनें विस्वास ना माध्यम थी ,परमेश्वर ना अनुग्रह अनें दया दुवारा मेंळवें सको हे | अगर तमु ईसु मसीह नें तमारो तारणहारा ना रूप म गरहण करवा मांगो हे ,ते आं एक हेली प्रार्थना आलेंली हे झेंने तमु करें सको हे | इनी प्रार्थना के बीजी कई प्रार्थना तमनें बसावें सक्ती | खाली ईसु म विस्वासेंस हे झी तमनें पाप थी बसावें सके हे | आ प्रार्थना हेंनम आपडा विस्वास नें व्यक्त करवा अनें तमारी हारू तारण नी तियारी करवा हारू धन्यवाद आलवानो एक तरीको खाली हे | “हे ,परमेश्वर ,हू जाणू हे के मेंह तारी विरूद पाप कर्यो हे ,अनें हू सजा सज्या नु पात्र हे | पुण ईसु मसीह वें हिनी सज्या नें पुतानें इपेर लें लेंदी झेंने लाएंक हू हेतो एंतरे के हेंने इपेर विस्वास करवा नें दुवारा हू माफ करें देंवाम आवू | हू तारण हारू ताराम मारा विस्वास नें मेंलू हे | तारा गजब ना अनुग्रह नें माफी- झी अमर जीवन नु इनाम हे ,नें हारू हू धनेवाद करू हे ! आमीन |”

झी कई तमवे आं भणु हे हुं हेने लेदे तमवे मसीह ने पासड सालवानो फेसलो लेदो हे? अगर ऐवू हे ते मेर्बानी करीने निस आलीला “में आजे इसू नी गरहण करी लेदो हे” वाळा बटण ने दबावो|