ପ୍ରଶ୍ନ

ପାପୀର ପ୍ରାର୍ଥନା କଅଣ?

ଉତ୍ତର

ପାପୀର ପ୍ରାର୍ଥନା ଏହିପରି ଏକ ପ୍ରାର୍ଥନା ଯାହା, ଯେବେ ଜଣେ ବ୍ୟକ୍ତି ସେତେବେଳେ କରିଥାଏ ଯେତେବେଳେ ସେ ଜାଣେ ଓ ବୁଝିପାରେ ଯେ, ସେ ଏକ ପାପୀ ଓ ତାକୁ ଏକ ଉଦ୍ଧାରକର୍ତ୍ତାଙ୍କର ଆବଶ୍ୟକ ଅଛି | କେବଳ ପାପୀର ପ୍ରାର୍ଥନା କରିବା ଦ୍ଵାରା ଉଦ୍ଧାର ଆସେ ନାହିଁ | ଏକ ପ୍ରକୃତ ପାପୀର ପ୍ରାର୍ଥନା କେବଳ ଏହା ପ୍ରକାଶ କରେ ଯେ ଜଣେ ବ୍ୟକ୍ତି ନିଜ ପାପମୟ ଦୁର୍ଦ୍ଦଶା ଓ ପରିତ୍ରାଣର ଆବଶ୍ୟକତା ବିଷୟରେ କଅଣ ଜାଣେ, ବୁଝେ, ଓ ବିଶ୍ଵାସ କରେ |

ପାପୀର ପ୍ରାର୍ଥନାର ପ୍ରଥମ ଭାଗ ହେଉଛି ଆମେ ସମସ୍ତେ ନିଜକୁ ପାପୀ ବୋଲି ବୁଝିବା | ରୋମୀୟ ୩:୧୦ କହେ, “ ଧାର୍ମିକ କେହି ନାହିଁ, ନା, ଜଣେ ସୁଦ୍ଧା ନାହିଁ” | ବାଇବଲ, ସ୍ପଷ୍ଟରୂପେ କହେ ଯେ, ଆମେ ସମସ୍ତେ ପାପ କରିଅଛୁ | ଆମେ ସମସ୍ତେ ପାପୀ ଅଟୁ ଓ ଆମେ ଈଶ୍ଵରଙ୍କ ଦୟା ଓ ପାପକ୍ଷମା ଆବଶ୍ୟକ କରୁ (ତୀତସ ୩:୫-୭) | ଆମ ପାପ ସକାଶୁ, ଆମେ ଅନନ୍ତଦଣ୍ଡର ପାତ୍ର ଅଟୁ (ମାଥିଉ ୨୫:୪୬) | ପାପୀର ପ୍ରାର୍ଥନା ହେଉଛି ଦଣ୍ଡଜ୍ଞା ବଦଳରେ ଅନୁଗ୍ରହ ପାଇବା ପାଇଁ ପ୍ରାର୍ଥନା | ଏହା ହେଉଛି କ୍ରୋଧ ପରିବର୍ତ୍ତେ ଈଶ୍ଵରଙ୍କ ଦୟା ପାଇବା ପାଇଁ ଅନୁରୋଧ |

ପାପୀର ପ୍ରାର୍ଥନାର ଦ୍ଵିତୀୟ ଭାଗ ହେଉଛି ଆମ ପାପମୟ ପରିସ୍ଥିତିରୁ ଆମକୁ ଉଦ୍ଧାର କରିବା ପାଇଁ ଈଶ୍ଵର ଯାହା କରିଅଛନ୍ତି ତାହା ଜାଣିବା | ଈଶ୍ଵର ଦେହବନ୍ତ ହେଲେ ଓ ଯୀଶୁ ଖ୍ରୀଷ୍ଟଙ୍କ ରୁପରେ ଆସିଲେ (ଯୋହନ ୧:୧,୧୪) | ଯୀଶୁ ଆମକୁ ଈଶ୍ଵରଙ୍କ ସତ୍ୟତା ବିଷୟରେ ଶିକ୍ଷା ଦେଲେ ଏବଂ ସେ ଏକ ସମ୍ପୂର୍ଣ୍ଣ ଧାର୍ମିକ ଓ ପାପଶୂନ୍ୟ ଜୀବନଯାପନ କରିଥିଲେ (ଯୋହନ ୮:୪୬; ୨ କରିନ୍ଥୀୟ ୫:୨୧) | ତାପରେ, ଆମକୁ ଯେଉଁ ଦଣ୍ଡର ଭୋଗିବାକୁ ଥିଲା ତାହା ନେଇ ଯୀଶୁ ଆମ ସ୍ଥାନରେ କୃଶ ଉପରେ ମୃତ୍ୟୁଭୋଗ କଲେ, (ରୋମୀୟ ୫:୮) | ପାପ, ନର୍କ ଓ ମୃତ୍ୟୁ ଉପରେ ନିଜ ବିଜୟର ପ୍ରମାଣ ଦେବା ପାଇଁ ଯୀଶୁ ପୁନରୁଥିତ ହେଲେ (କଲସୀୟ ୨:୧୫; ୧ କରନ୍ଥୀୟ ୧୫ ପର୍ବ) | ଏଥି ସକାଶୁ, ଆମ ପାପ କ୍ଷମା କରାଯିବ ଓ ସ୍ଵର୍ଗରେ ଅନନ୍ତକାଳ ଜୀବନର ପ୍ରତିଜ୍ଞା ଆମକୁ ମିଳିପାରିବ- ଯଦି ଯୀଶୁ ଖ୍ରଷ୍ଟଙ୍କଠାରେ ଆମେ ବିବିଶ୍ଵାସସ କରୁ | ଆମକୁ କେବଳ ବିବିଶ୍ଵାସସ କରିବାକୁ ହେବ ଯେ ସେ ଆମ ସ୍ଥାନରେ ମୃତ୍ୟୁଭୋଗ କଲେ ଓ ମୃତରୁ ଉତଥିତ ହେଲେ (ରୋମୀୟ ୧୦:୯-୧୦) | କେବଳ ଅନୁଗ୍ରହରେ, କେବଳ ବିଶ୍ଵାସରେ, କେବଳ ଯୀଶୁଙ୍କ ଠାରେ ବିଶ୍ଵାସ କରିବା ଦ୍ଵାରା ଆମେ ଉଦ୍ଧାର ପାଇପାରିବା | ଏଫିସୀୟ ୨:୮ଘୋଷଣା କରେ ଯେ, “କାରଣ ଅନୁଗ୍ରହରେ ବିଶ୍ଵାସ କରିବା ଦ୍ଵାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜଠାରୁ ହୋଇ ନାହିଁ, ତାହା ଈଶ୍ଵରଙ୍କ ଦାନ” |

ପାପୀର ପ୍ରାର୍ଥନା ଯୀଶୁଙ୍କୁ ଭରସା କରିବା ଓ ତାଙ୍କୁ ନିଜର ଉଦ୍ଧାରକର୍ତ୍ତା ରୁପେ ବିଶ୍ଵାସ କରିବା ବିଷୟକୁ ଈଶ୍ଵରଙ୍କଠାରେ ଘୋଷଣା କରିବାବାର ଏକ ତରିକା । ଏହି ପ୍ରାର୍ଥନାରେ କୌଣସି ଅଲୌକିକ ଶକ୍ତି ନାହିଁ ଯଦ୍ଵାରା ପରିତ୍ରାଣ ସମ୍ଭବ ହୋଇପାରିବ | କେବଳ ଯୀଶୁଙ୍କ ମୃତ୍ୟୁ ଓ ପୁନରୁଥାନରେ ବିଶ୍ଵାସ କରିବା ଦ୍ଵାରା ଆମେ ଉଦ୍ଧାର ପାଇପାରିବା | ଯଦି ତୁମେ ବୁଝିପାରୁଛ ଯେ ତୁମେ ଜଣେ ପାପୀ ଅଟ ଓ ଯୀଶୁ ଖ୍ରୀଷ୍ଟଙ୍କ ଦ୍ଵାରା ତୁମେ ପରିତ୍ରାଣ ଆବଶ୍ୟକ କର, ତେବେ ଏକ ପାପୀର ପ୍ରାର୍ଥନା ଦିଆଯାଇଛି ଯାହା ତୁମେ ଈଶ୍ଵରଙ୍କ ନିକଟରେ କହିପାରିବ: “ହେ ଈଶ୍ଵର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ | କିନ୍ତୁ ମୁଁ ବିଶ୍ଵାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି | ତାହାଙ୍କ ଠାରେ ବିଶ୍ଵାସ କରିବା ଦ୍ଵାରା ମୋର ପାପକ୍ଷମା ହୋଇପାରିବ | ପରିତ୍ରାଣ ପାଇବା ପାଇଁ ମୁଁ ତୁମ ଠାରେ ବିଶ୍ଵାସ କରୁଅଛି | ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ |

ଏଠାରେ ଆପଣ ଯାହା ପଢିଲେ ସେହି କାରଣରୁ ଆପଣ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି? ଦୟାକରି ନିମ୍ନରେ ଥିବା “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବୋତାମକୁ କ୍ଲିକ୍ କରନ୍ତୁ