Kwa nini Mungu hawapi malaika waliokufa fursa ya kutubu?

Bibilia haizungumzii kwa uwazi suala la malaika walioanguka kuwa na fursa ya kutubu, lakini tunaweza kupata ufahamu fulani kutoka kwa kile ambacho Biblia inasema. Kwanza, Shetani (Lusifa) alikuwa mmoja wapo wa malaika wa ngazi ya juu, labda wa cheo cha juu (Ezekieli 28:14). Lusifa-na malaika wote-walikuwa daima mbele ya Mungu na walikuwa na ufahamu wa utukufu wa Mungu. Kwa hiyo, hawakuwa na udhuru/sababu ya kuasi dhidi ya Mungu na kugeuka kutoka kwake. Hawakujaribiwa. Lusifa na malaika wengine waliasi dhidi ya Mungu licha ya kujua kwamba huo ni uovu mkubwa.

Pili, Mungu hakutoa mpango wa ukombozi kwa malaika kama vile alivyowafanyia wanadamu. Kuanguka kwa wanadamu kulihitaji sadaka ya utakazo wa dhambi, na Mungu alitoa dhabihu hiyo kupitia kwa Yesu Kristo. Katika neema yake, Mungu aliwakomboa watu na akajiletea utukufu Yeye mwenyewe.

Hakuna dhabihu kama hiyo iliyopangwa kwa ajili ya malaika. Zaidi ya hayo, Mungu aliwarejelea malaika hao ambao walibaki kuwa waaminifu kwake kama “Malaika wake wateule” (1 Timotheo 5:21). Tunajua kutokana na mafundisho ya Biblia ya uchaguzi kwamba wale ambao Mungu anachagua kwa wokovu wataokolewa, na hakuna chochote kinachoweza kuwatenganisha na upendo wa Mungu (Waroma 8: 38-39). Kwa wazi, wale malaika waliomwasi hawakuwa ” malaika wateule ” wa Mungu.

Hatimaye, Biblia haitupi sababu ya kuamini kwamba malaika wangetububu hata kama Mungu angewapa fursa (1 Petro 5: 8). Malaika waliokufa wanaonekana kujitoa kabisa kwa kumpinga Mungu na kuwashambulia watu wa Mungu. Biblia inasema kuwa ukali wa hukumu ya Mungu unatofautiana kulingana na ufahamu mtu alio nao (Luka 12:48). Malaika walioasi basi, kwa ufahamu mkubwa waliyo kuwa nao, wanastahili sana ghadhabu ya Mungu.

[English]

---

[Rudi kwa ukurasa wa nyumbani wa Kiswahili]

Kwa nini Mungu hawapi malaika waliokufa fursa ya kutubu?