सुआल

केह़ अमर जीवन ह़ासल ह़ोदा?

जवाब

बाइबल अमर जीवन आले पास्‍से जाने आले रस्‍ते गी साफ प्रग्‍ट करदी ऐ। सारें थवां पैह़लैं असेंगी एह़ जानी लेना चाईदा के असें परमेसरे दे खलाफ पाप कित्ता ऐ: “इस आस्‍ते के सारें गै पाप कित्ता ऐ ते परमेसरे दी म्‍ह़ैशा थवां बख ऐ (रोमियो 3:23)। असें सारें नेह़ कम्‍म कित्ते दे न जेके परमेसरे गी पसंद नेई न, ते जेके असेंगी सजा दा ह़कदार बनांदे न। किजे साढ़े सारे पाप इक सनातन परमेसरे दे खलाफ न, इस आस्‍ते सिरफ म्‍ह़ेशा दी सजा गै काफी ऐ। “पाप दी मजदूरी ता मौत ऐ, परमेसरे दा बरदान साढ़े प्रभु यीशु च अमर जीबन ऐ” (रोमियों 6:23)।

पर फी बी, यीशु मसीह, जेका पाप कशा बख हा (1 पतरस 2:22) परमेसरे दा म्‍ह़ेशा दा पुत्तर इक मानू बनेया (यूह़न्‍ना 1:1,14) ते साढ़े जुर्माने गी भ़रने आस्‍ते मरी गेया। “परमेसर अपने इरखे दी भ़लाई साढ़े उप्‍पर इस चाल्‍ली जाह़र करदा, के जदुं अस पापी गै हे, तदुं गै मसीह साढ़े आस्‍ते मरेया।” (रोमियों 5:8)। यीशु मसीह क्रूस उप्‍पर मरेया (यूहन्‍ना 19:31-42), उन्‍ने उस सजा गी लेत्ता जिदे ह़कदार अस हे। (2 कुरिन्‍थियों 5:21)। त्रैं दिने बा’द ओह़ मोदें चा (1 कुरिन्‍थियों 15:1-4) पाप ते मौती उप्‍पर जीत ह़ासल करदे ह़ोऐ जिंदा ह़ोई गेया। “जिन्‍ने यीशु मसीह दे मोदें चा जिंदा ह़ोने दे जरिए, अपनी बड़ी दया कन्‍ने असेंगी इक जिंदी जागदी आस आस्‍ते नमां जनम दित्ता ऐ।” (1 पतरस 1:3)।

विश्‍वास दे जरिए, असेंगी मसीह रिश्‍ते च अपने मनें गी बदली लेना चाईदा – केह़ ओह़ कुन ऐ, ते मूक्‍ति आस्‍ते उन्‍ने केह़, ते कीं कित्ता (रसूलें दे कम्‍म 3:19)। जेकर अस उदे च अपने विश्‍वास गी रखने आं, उदा क्रूस उप्‍पर साढ़े पापें दा मुल्‍ल चुकाने आस्‍ते ह़ोदी मौत उप्‍पर विश्‍वास करने आं ता असेंगी माफ कित्ते जाने न ते असें सुर्गे च म्‍ह़ेशा-म्‍हेशा दे वादे गी ह़ासल करना ऐ। “किजे परमेसरे दुनिया कन्‍ने इन्‍ना इरख कित्ता के उन्‍ने अपना इक्‍कै-इक पुत्तर भ़ेजी ओड़ेया, तांजे जेका बी उदे उप्‍पर विश्‍वास करे ओह़ गर्क नेई ह़ोए पर म्‍ह़ेशा दा जीवन ह़ासल करै” (यूहन्‍ना 3:16)। “जेकर तू अपने मूंह कन्‍ने ‘यीशु गी प्रभु’ जानिये मन्‍नी लें ते अपने मने च विश्‍वास करे के परमेसरे उसी मोदें चा जिंदा कित्ता ऐ, ता तू जरूर उध्दार गी पागा” (रोमियों 10:9)।

क्रूस उप्‍पर यीशु दे मुकादे कम्‍में उप्‍पर विश्‍वास गै सिरफ अमर जीवन दा सच्चा रस्‍ता ऐ!” किजे विश्‍वास दे जरिये अनुग्रह कन्‍ने गै तुंदा उध्दार ह़ोदा ऐ – ते एह़ तुंदी तरफा दा नेई बल्‍कि परमेसरे दा दान ऐ – ते न करमें दी बजह़ कन्‍ने, नेह़ा नेई ह़ोए के कोई घमंड करे” (इफसियों 2:8-9)।

जेकर तुस यीशु मसीह गी अपना मुक्‍तिदाता दे रूप च अपनाना चाह़ंदे ओ, ता इत्‍थे इक आसान पराथना दित्ती गेदी ऐ। चेत्ता रखो, इस पराथना या कोई ह़ोर पराथना दा बोलना तुसेंगी बचाई नेई सकदा। सिरफ यीशु च विश्‍वास गै तुसेंगी बचाई सकदा ऐ। एह पराथना उदे अपने विश्‍वास गी दस्‍सने ते अपने आस्‍ते उध्दार दा इंतेजाम करने आस्‍ते ध़नवाद करने दा इक तरीका ऐ। “हे, परमेसर, मिगी पता ऐ के मैं तुंदे खलाफ पाप कित्ता ऐ, ते अऊं सजा दा ह़कदार ऐं। पर यीशु मसीह ने उस सजा गी अपने उप्‍पर लेई लेत्ता, जिदा ह़कदार अऊं हा किजे उदे उप्‍पर विश्‍वास करने दे जरिये मिगी माफ करी दित्ता जा। अऊं उध्दार आस्‍ते अपने विश्‍वास गी तुंदे उप्‍पर रखना। तुंदे अनोखे अनुग्रह ते माफी – जेका अमर जीवने दा तोह़फा ऐ, आस्‍ते अऊं तुंदा शुकर करना! आमीन।”

किजे जे किश तुसें इत्‍थे पढ़ेया ऐ उदी बजह़ कन्‍ने केह़ तुसें मसीह दे पिछे चलने दा फैसला लेत्ता ऐ? जेकर इंय्‍यां ऐ तां मेह़रबानी करीये ह़ठ दित्ते दे “मैं अज यीशु गी अपनाई लेत्ता ऐ” आले बटन गी दबाओ।