Mbega Bibiliya ivuga iki ku vyerekeye ukunywa inzoga/umuvinyu ? Mbega iyo Umukristo anyoye inzoga/umuvinyu ni icaha ?
Ikibazo Mbega Bibiliya ivuga iki ku vyerekeye ukunywa inzoga/umuvinyu ? Mbega iyo Umukristo anyoye inzoga/umuvinyu ni icaha ? Inyishu Ijambo ryâImana riravuga ibitari bike ku vyerekeye ukunywa inzoga (Abalewi 10:9; Guharura 6:3; Gusubira mu Vyagezwe 29:6; Abacamanza 13:4, 7, 14; Imigani 20:1; 31:4; Yesaya 5:11, 22; 24:9; 28:7; 29:9; 56:12). Yamara ntibiboneka ko Ijambo ryâImana…
Mbega Bibiliya ivuga iki ku vyerekeye ukunywa inzoga/umuvinyu ? Mbega iyo Umukristo anyoye inzoga/umuvinyu ni icaha ?
Ijambo ryâImana riravuga ibitari bike ku vyerekeye ukunywa inzoga (Abalewi 10:9; Guharura 6:3; Gusubira mu Vyagezwe 29:6; Abacamanza 13:4, 7, 14; Imigani 20:1; 31:4; Yesaya 5:11, 22; 24:9; 28:7; 29:9; 56:12). Yamara ntibiboneka ko Ijambo ryâImana ribuza Umukristo kunywa ibiyeri, umuvinyu, canke ikindi kinyobwa gishobora kuboreza. Mu bisanzwe, Ijambo ryâImana hari aho rivuga neza inzoga. Mu Musiguzi 9:7 havuga ngo, âWinywere vino yawe nâumutima uhimbawe.â Muri Zaburi 104:14-15 havuga ko Imana itanga vino âinezereza imitima yâabantu.â Amosi 9:14 haravuga ko kunywa vino ivuye mu ruzabibu rwawe ari ikimenyetso câumuhezagiro uva ku Mana. Yesaya 55:1 haradutera intege ngo, âni mugure vino nâamataâ¦â
Ico Imana itegeka Abakristo ku vyerekeye inzoga ni ukwirinda akaborerwe (Abanyefeso 5:18). Bibiliya irarwanya akaborerwe co kimwe nâinkurikizi zako (Imigani 23:29-35). Abakristo na bo basabwa ko badakwiye kureka imibiri yabo ngo âiganzweâ nâikintu na kimwe (1 Abâi Korinto 6:12; 2 Petero 2:19). Nta nkeka ukunywa inzoga birenze urugero birahindura umuntu umuja. Ijambo ryâImana rirongera rikabuza Abakristo gukora ikintu na kimwe cotsitaza abandi Bakristo canke kikabakwegera mu gucumura kwâijwi ryo mu mutima (1 Abâi Korinto 8:9-13). Dufatiye kuri ivyo bintu ngenderwako, vyoba ari ikigoye cane hagize Umukristo avuga ko ahesha Imana icubahiro mu kunywa inzoga zâikirenga (1 Abâi Korinto 10:31).
Yesu yarahinduye amazi vino. Biranashoboka ko rimwe rimwe na Yesu ubwiwe yoba yaranyoye kuri vino (Yohana 2:1-11; Matayo 26:29). Mu gihe Isezerano Risha ryandikwa, amazi abâico gihe banywa ntiyari meza cane. Kubera yuko batari bafise ubuhinga dukoresha muri kino mu vyerekeye isuku, akenshi amazi yaba arimwo imigera nka za bactéries, virus, hamwe nâutundi tuntu twayanduza. Niko bikimeze mu bihugu vyinshi bitaratera imbere na nâuyu musi. Kubwâivyo abantu bashima kwinywera vino (canke umutobe wâinzabibu) kuko wo utandura kenshi. Muri 1 Timoteyo 5:23, Paulo yasavye Timoteyo kureka kunywa amazi (kumbure ni yo yamutera ingorane yari afise mu nda) ariko anywe vino. Muri ico gihe, vino yaba ihiye (ishobora kuboreza), mugabo ntiyanganya amakari nâurugero rwâuno musi. Kuvuga ko wari umutobe wâinzabibu kwoba ari ukwihenda, co kimwe nâuwovuga ko yari kimwe na vino ikoreshwa uno musi. Ikindi ni uko Ijambo ryâImana ritabuza Abakristo kunywa ibiyeri, umuvinyu, canke ikindi kintu gishobora kuboreza. Inzoga ubwayo ntabwo irimwo icaha. Yamara Umukristo ategerezwa kwirinda akaborerwe nâumunoho wâinzoga (Abanyefeso 5:18; 1 Abâi Korinto 6:12).
Iyo umuntu anyoye inzoga ku rugero rutoya, ntaco vyonona kandi ntishobora kumuhindura imborerwa. Mbere abaganga bamwe bamwe baravuga ko kunywa umuvinyu muke muke ari ingirakamaro ku magara yacu, cane cane ku mutima. Ukunywa inzoga ku rugero ruto ni uguhitamwo kwâUmukristo. Ukuborerwa no kuba umuntu yaboshwe nâinzoga ni icaha. Yamara, dufatiye ku nzoga ubwayo nâingaruka ishobora kugira, no kugushobora kugeragezwa kunywa inzoga zâumurengera, no kugushobora gutsitaza no kubabaza abandi bantu, icotugirira akamaro ni uko Umukristo areka kunywa inzoga.
[English]
[Subira ku rupapuro rwa mbere rwa kirundi]
Mbega Bibiliya ivuga iki ku vyerekeye ukunywa inzoga/umuvinyu ? Mbega iyo Umukristo anyoye inzoga/umuvinyu ni icaha ?